TVRI YOGYAKARTA NEWS – HENDRY – ABDUL R
Sanadyan kedah ngadhepi manekawerni ama lan sesakit ananging kanyata taneman rawit jinis ori taksih dados piyandelipun kadang tani. Awit saking sipatipun ingkang gampil katerak ama sesakit mila kadang tani kedah greteh ngrimat amrih tanemanipun saged mawoh sae.
Kados mekaten menika taneman lombok ori kagunganipuns aweneh kadang tani ing laladan kasian Bantul. Taneman lombok ori menika sampun makaping-kaping dipun panen, ewa semanten aislipun tetep sae. Sanadyan mujduaken komoditi olah tetanen ingkang ringkih dateng sesakit. Ananging kanyata bab wau mboten ndamel mandhaping krentegipun kadang tani nindaaken budidaya lombok. Salah setunggaling jinis lombok ingkang kathah dipun tanem inggih menika lombok ori. Lombok ori ingkang dipun tanem wontening lahan ingkang wiyaripun tawatis kalih ewu meter pesagi menika asilipun sae, sanadyan wonten setunggal kalih ingkang katerak sesakit alum, menapadene pathek ananging gunggungipun namung sekedhik kemawon, menawi kapandingaken kaliyan lombok ingkang sae ingkang gunggung ing steunggal wit menika kathah sanget. Kados ingkang kawuningan bilih lombok ori menika nggadahi kelangkungan ukuranipun ageng, awet lan mboten gampil bosok menawi dipun kintun dateng laladan sanes. Kejawi menika ugi saged dipun panen makaping-kaping. Asiling panen ingkang sae menika mboten uwal skaing pangrimatipun ingkang sae. Miterat katranganipun warga ing laladan menika ugi taksih wonten jawah, bab menika ingkang lajeng dipun awekani dening kadang tani lombok supados jawah wau mboten mangaribawani turuhipuin ama menapadene sesakit. Sanadyan jinis menika tahan saking ama ananging tetap kedah dipun rimat kanthi estu. Taneman lombok dumugi wekdal sakmenika taksih dados salah setunggaling piyandelipun kadang tani sanadyan kedah ngadhepi wontenipun sesakit lombok ingkang kathah. Ananging gandeng kaliyan pengaosipun ingkang inggil ing pekenan kadang tani sampun sengkut anggenipun nindaaken budidaya lombok menika kanthi ngawekani kanthi estu menawi wonten sesakit ingkang ngrebasa tanean lombok.
