TVRI YOGYAKARTA NEWS – WIDI – YUDA
Badan usaha milik kalurahan utawi ingkang asring dipun cekak BUMKEL mujudaken lembaga ekonomi gadhahanipun kalurahan kangge nikelaken ekonom lan raharjaning warga masyarakat. BUMKEL gadhah tujuwan kangge ngemonah sumber daya alam, manungsa supados ngasialken nilai tambah lan mupangat kangge warga masyarakat. Salah setunggalipun bumkel ingkang sampun kabentuk inggih menika bumkel Kalurahan Purwoharjo, Kapanewon Samigluh Kabupatehn Kulonprogo. Yoyok ketua BUMKEL Purwoharjo ngandaraken bilih BUMKEL menika madheg udakawis gansgal tahunan kapengfker. Menggah usaha ingkang katindaken ing babagan simpan pinjam sarta nyawisaken alat tulis kantor sarta ngemonah wontenipun desa wisata tinalah mliginipun sewa pendapi. Saking wontenipun usaha menika kanyata ugi saged numbang pendapatan asli desa ingkang wusnaanipun ugi saged anyengkuyung lampahing pembangunan desa. Ing tembe ngajengipun BUMKEL Purwoharjo ugi badhe saya njembaraken usaha mliginipuning babagan wista nguningani bilih ing laladan purwoharjo menika wonten manekawerni jujugan wisata wiwit saking gua sriti, puncak kleco, taman mikrohidro, desa wisata tinalan engga monumen sandi. Kajawi samangkenipun ugi badhe saya nambah pendapatan asli desa, ugi saged angripta lapangan pkaryan dhumateng warga masyarakat mliginipun wiranem ingkang saged ngemonah jujugan wisata kala wau, sarta saged angripta usaha ekonomi wiwit womtenipun kuliner menapadene kerajinan, mboten gumantung kaoiyanj ekonomi saking sakjawining laladan. Saya mekaring bumkel kanthi ngoptimalaken sumber daya lokal menika, wusananipun ugi saged kangge nikelaken raharjaning warga masyarakat ing Purwoharjo, lan masyarakat ing Kulonprogo umumipun.
