TVRI YOGYAKARTA NEWS – SETYA BUDI
Mlebet ing purwakaning mangsa ketiga menika, katah kadang tani ing laladan Kapanewon Purwosari Kabupaten Gunungkidul ingkang sami nanem sata ing sabinipun.
Ing mangsa ketiga kados wekdal sakmenika, taneman sata dados piyandelipun kadang tani. Kados ingkang dumados ing laladan Giritirto Purwosari Gunungkidul menika. Kadang tani sami nanem sata ing lahan pesabinanipun. Salah saweneh among tani sata ing laladan menika karjiya waleh, bilih kadang tani ing laladan menika langkung awal nanem sata supados ron sata ingkang dipun asilaken samangke kualitasipun sae. Ananging kangge asil ingikang maremaken kadang tani kedah ngedalaken beya ingkang mboten sekedik. Kangge ngrimat 7 ewu taneman sata kanthio umur setunggal wulan menika, piyambakipun sampun ngedalaken beya engga 10 yuta rupiyah. Beya kasebat dipun ginakaken kangge ngolah klahan, tumbas bibit, mundut toya irigasi engga obat – obatan sarat rabuk. Kadang tani ngajab asil panen sata ing tahun menika langkung sae kabandingaken tahun sakderengipu, lan pengaosing sata ugi langkung inggil. Kawuningana bilih ing tahun sakderengipun setunggal kilo sata inbgkang sapun dipun rajang pengaosipun ngancik 100 ewu rupiyah. Sata saking purwosari menika padatan dipun pendhety dining para tengkulak saking laldan kabupaten bantul.
Ing mangsa tanem sata sakmenika kadang tani langkung milih nanem sata jinis jawa lan sadana. Taneman sata sampun saget dipun panen ing muru 2 wulanan.
