TVRI YOGYAKARTA NEWS – JATMIKO HADI
Katah taneman ingkang gadahi mupangat ageng tumrap kasarasan, salah setunggalipun inggih menika taneman kitolot. Taneman menika dipun pitados saget ngobati sesakit netra lan tatu.
Kados mekaten menika wujudipun taneman kitolot, ingkang dipun tanem ing taman jamu herbal Kalurahan Sendangsari Kapanewon Pengasih Kulonprogo. Sak tleraman taneman menika kados dene taneman semak, ananging siten ingkang nyana bilih taneman asli saking Negari Indonesia menika kanyata gadahi mupangat ageng tumrap kasarasan. Miterat katranhgan saking panglola taman jamu herbal, taneman kitolot menika saget ngusadani sesakit netra wiwit saking iritasi dumugi sesakit katarak. Caranipun inggih menika kanthi mupangataken sekaripun. Sekar taneman kito0lot menika dipun kum kaliyan toya benter, lan menawi sampun asrep toya saking kum – kuman sekar kitolot mneika saklajengipun dipun tetesaken ing netra ingkang sakit. Kajawi sekaripun, ron kitolot ugi gadahi khasiat kangge ngusadani sesakit tatu lan waja. Caranipun ingih menika kanthi ndeplok ron kitolot menika lajeng dipun templekaken ing bagean ingkang tatu. Kepara ing sak lebeting paneliten menawi dipun olah kanthi estu, taneman kitolot menika saget ngusadani sesakit awrat sanesipun wiwit saking radang engga kangker.
