TVRI YOGYAKARTA NEWS – WIDI – YUDA
Kangge nyekapi kabetahan toya resik, saweneh warga ing padusunan tri widadi, pajangan bantul mendet saking sumur ingkang dipun damel ing sak pinggiring lepen pulosari.
Laladan padusunan Tri Widadi, Pajangan Bantul mujudken setunggaling laladan ingkang kawontenan sitinipun kapetang bera. Kontur sitinipun ingkang lempung lan nagndhapipun padas, mboten maiben bilih lahan ing laladan menika kathah dipun tanemi taneman keras mliginipun taneman jati. Sinaosa kawontnanipun bera ewasemanten kanyata ing laladan menika ugi nyimpen toya ingkang saged dipun mupangataken deing warga masyarakat kangge nyekapi kabetahan toya ing padintenan. Ngabiyem saeneh warga ngandaraken bilih wekdal sakmenika piyambakipun mupangatken sumber toya ingkang wointen ing pinggiraning lepen pulosari ingkang tebihipun saking griyanipun udakawis seketan meter. Toya saking sumber kala wau saklajengipun dipun inggahaken mawi kompa toya lan dipun sambetaken mawi pralon dumugi griyanipun. Kanthi wontenipun toya resik menika piyambakipun mboten kedah kangelan ngusungi saking sak pingiring lepen ingkang kawontenanmerginipun kapetang njulek. Saderengipun dipun paangi kompa toya meniak saben enjing lan sonten mbah ngabiyem kedah mendfet toya ambal kaping kalih kangge nyekapi kabetahanipun. Mbah nagbiyem, ingkang yuswanipun langkung saking wolung dasa gansgal tahun menika manggen ing griyanipun namung piyambakan kemawon, putranipun ugi sampun mapan ing griyanipun piyambak – piyambak, awit saking wontenipun kompa toya menika ngenthenngaken pedamelanipun, ing saklebeting nyekapi kabetahan toya resik. Piyambakipun gadhah pamanggih, mboten purun ndamel bot repoting putra-putrtanipun, sinaosa sampun sepuh ugi tansah makarya nindaaken tetanen.
