TVRI YOGYAKARTA NEWS – JATMIKO HADI
Pengaosing woh kates ing laladan Kabupaten Kulonprogo sakmenika mandhap kabandingaken sawetawis wekdal kapengker. Setunggal kilo kates sakmenika pengaosipun 4 ewu rupiyah.
Salah saweneh kadang tani pambudidaya kates saking laladan sadang Tanjungharjo Nanggulan Kulonprogo sakijo waleh, bilih wekdl sakmenika pengaosipun kates mandhap kabandingaken kaliyan regi sakderengipun. Sakmenika pengaosing kates namung 4 ewu rupiyah saben kilo, kamangka sakderengipun 5 ewu rupiyah saben kilonipun. Katahipun stok woh kates ing pekenan lan nyarengi panen raya kates dipun dugi ingkang mangaribawani pengaosing kates ing laladan kulonprogo menika mandhap. Sakijo piyambak gadah atusan taneman kates ingkang dipun tanem ing lahan kanthi wiyar 6 ewu meter persagi. Ing saben mangsa panen piyambakipun saget pikantuk asil panen kates engga 1 ton. Asil panen katesipun menika padatanipun dipun kintun ing peken buah ingkang wonten ing laladan kitha Ngayogyakarta lan sak kiwatengenipun.
Sakijo ngajab pengaosing kates ing tataran kadang tani saget nurmal malih, saengga saget nutup beya produksi ing saklebeting budidaya taneman katesipun.
