TVRI YOGYAKARTA NEWS – WIDI – HARIF YUDHA
Wulan dzulhijah mujudaken setunggaling wulan ingkang kebak ing makna. ing mekah al mukaromah umat muslim sadonya sami nindaken ngibadah haji. mboten purun kecalan makna, umat muslim ing nuswantara ugi sami nyaketaken lan mbuktekaken raos takwa lan iman ipun dhumateng alloh subahnallohu wataala kanthi nindaken kurban. ndungkap tumapaking dinten riyaya kurban umat muslim ingkang kiyat sami tumbas kewan kurban sae menika lembu menaapdene menda kangge nindak-aken kurban. niyat ingkang sae mekaten temtunipun ugi kedah dipun jangkepi kaliyan syarat syahipun kewan ingkang badhe kangge kurban. kewan ingkang badhe kangge kurban mekaten kedah anetepi syarat syar’i menapadene kasarasan. adriyanto saweneh bakul kewan kurban ingkang nggelar daganganipun ing mergi bantul nyariosaken bilih, menawi syarat syar’i kewan ingkang badhe kangge kurban wau langkung sae menawi jaler lan sampun tuwuh “gigi seri, menawi menda umuripun sampun langkung saking setunggal setengah tahun, lembu kalih engga kalih setengah tahun., dipun tetepaken umur semanten wau kewan sampun saged reproduksi saengga samangke mboten dados punah utawi ical., kajawi menika ing agami ugi sampun netepaken bilih kewan kurban wau mboten caca. sawetawis ngengingi syarat kasarasan kewan ingkang badhe kangge kurban saras wiwit saking budidayanipun, anggenipun ngangkut, papan penampungan engga caraning mragat. kanthi anetepi syarat wau saengga niyat sae nindakaken kurban katampi dening gusti alloh lan mupangati dhateng sesami.
