TVRI YOGYAKARTA NEWS – ADI NUGROHO
Kejawi gadah cakrik inhgkang endah, sinten ingkang nyana, sekar tembelekan utawi ingkang asring ugi dipun sebat sekar lantana ingkang gandhanipun kirang echa menika, kanyata saged dados husada kangge manakwerni sesakit.
Kados mekaten menika wujudipun sekar tembelekan menapadene sekar lantana. Sekar menika ukuranipun alit lan endah amargi nggadahi werni ingkang nengesemaken. Menapa malih ing alam menika, taneman sekae lantana nggadahi cacah 150 jinis utawi species. Kejawi endah, taneman menika ugi saged gesang ngantos dangu. Wonten manekawerni jinis lantana ingkang sampun kawentar ing antawisipun werni oranye, jene, biru, pethak, jambon kepara jamboran kalih werni. Taneman sekar lantana menika kalebet taneman semak-semakan, mila mboten maiben bioih taneman menika gampil sanget dipun panggihaken wonten ing kebonan. Taneman menika asalipun saking laladan negari amerika tengah. Purwakanipun dipun betha dening walandi saengga sakmenika smapun sumebar wonten ing manekawerni laladan tropis lan subtropis. Menawi panjenengan badhe nanem taneman menika kedah ngatos-atos amargi taneman menika nggadai racun ingkang saged nerak kewan menapadene manungsa, saengga menawi badhe nanem kedah dipun papanaken wonten ing papan ingkang aman tebih saking kewan menapadene lare. Taneman menika kalebet taneman ingkang kiyat ngadhepi mangsa, kepara taneman menika saged tuwuh ing mangsa rendheng lan ketiga. Ananging, taneman menika sekaripun sekehdik nalika kekirangan sunaring surya. Taneman menika langkung remen dateng kawontenan siti ingkang radi teles. Kabetahan toyaipun ugi gampil kemawon taneman menika sage ddipun sirami nalika media tanemipun garing. Menawi badhe ndamel sekaripun kathah, kedah muntesi perangan pang enem saengga badhe tuwuh cawang lan sekar ingkang angkung kathah. Dereng kathah ingkang mangertosi bilih kanyata sekar lantaana meniak saged dipun mupangataken minanghka jampi kangge sesakit kulit, sakit padaran sarta sesakit sendi jalaran kansdetan zat ingkang wonten ing ron lan oyotipun.
