TVRI YOGYAKARTA NEWS – ZAINURI
Komunitas berbagi beras DIY ingkang dumunung ing srandakan Bantul numindaaken krida sosial bage-aken daging kurban dumateng warga masyarakat ingkang dumuning ing laladan pelosok ing DIY.
Krida mbage daging kurban ingkang dipun tindaaken dening komunitas berbagi beras DIY menika ajeg katindaken saben tahun. Ing tahun menika krida nyaluraken lan mbage daging kurban dipun leksanaaken ing kalih masjid inggih menika masjid Al Mukmin ing padusunan Manggung RT1 RW 4 Ngalang Gedangsari Gunungkidul lan musola abdul azis ingkangbdumunung ing padusunan Guyangan lor RT 8,10 Mertelu Gedangsari Gunungkidul. Sigon ketua korwil berbagi beras DIY korwil Gunung Kidul mratelaaken bilih krida ingkang dipun adani menika linandesan mboten radinipun nalika nyaluraken daging kurban ing wewengkon Ngayogyakrta. Ing setunggaling laladan kathah ingkang pikantuk daging kurban, kosok wangsulipun ing laladan pelosok asring ingkang mboten pikantuk daging kurban. Lumantar krida menika kaajab warga ingkang sedunung ing pelosok utawi ing laladan terpencil ugi saged ngraosaken daging kurban ing dinten riyaya Idul Adha.
Kanthi wontenipun program nyaluraken daging kurban ing pelosoknkarang padesan ing DIY menika, warga masyarakat saged nindaakken ngibadah kanthi raos ingkang sekeca lan ngedhapi daharan saking daging kurban sesarengan kaliyan kulawarga. Lumantar program menika ugi paring mupangat dening panampi, ananging ugi saged mbetakaraharjan lan kemaslahatan umat.
