TVRI YOGYAKARTA NEWS – HENDRY – ABDUL R
Sesawangan lan hawa ing pesisir ingkang endah kanyata taksih dados daya tarikipun wisatawan ngendangi pesisir. Salah setunggalipun pesisir ingkang hawanipun taksih edhunm inggih menika pesisir tepi pantai bantul.
Kados mekaten menika sesawangan alam pesisir tepi pantai. Benten kaliyan nama pesisir sanesipun, pesisir menika nggadahi nama ingkang pancen benten inggih menika tepi pantai. Pesisir menika mapanipun wonten ing sakkilenipun pesisir cangkring ing laladan poncosari srandakan bantul. Saking pesisir cangkring panjenengan saged mengilen nglangkungi mergi alit watawis 700 meter mangkeh sampun dumughi pesisir tepi pantai menika. Pesisir tepi pantai nggadahi sesawangan alam ingkang taksih asri edum lan endah. Wit-witan cemara kaliyan hawa pesisir ing tepi pantai ndudut kawigatosaning wisatawan ingkang ngendangi papan menika. Kathah wisatawan ingkang namung lelenggahjan kemawon, wonten ingkang nyepeda wonten ugi ingkang mancing pasiran. Pesisir tepi pantai menika kapetang tasih enggal, dereng wonten bakul ingkang sesadeyan ing papan menika. Namung wonten sesawangan alam ingkang taksih alami. Sanadyan sakmenika sanes mujduaken wekdal preen ananging kanyata wisatawan ingkang ngednangi pesisir menika kapetang kathah gunggungipun. Sakiwa tengening pesisir menika kathah manekawerni taneman olah tetanen ingkang dipun budidaya dneing kadang tani pesisir. Anggenipun mlebet papan menika kanthi lelehanan kemawon dereng wonten ingkang njagi. Dumateng panjenengan ingkang badhe pados sesawangan alam pesisir ingkang taksih alamai, pesisir tepi pantai mbok bilihj saged dipun dadosaken setunggaling pilihan.
