TVRI YOGYAKARTA NEWS – HARIF YUDHA
Kajawi nindakaken menapa ingkang dipun dawuhaken agami, ing saklebeting nindakaken ibadah kurban mekaten, wonten piwucalan – piwucalan ing lebetipun, antawisipun inggih menika seamangat gotong royong.
Ing dinten riyaya idul adha ingkang dipun leksanakaken saben tanggal 1o dzulhijah, kajawi nindakaken shalad sunnah idul adha warga masayraklat ugi sami mragat kewan kurban sae menika lembu menapa dene menda. Anggenipun mragat saget katindakaken piyambak menapa denen dipun pasrahaken ing takmir mesjid utawi panitia penyembelihan hewan kurban ing saben – saben dusun utawi laladan. Ibadah kurab piyambak gadahi sawetawis piwucalan ingkang gayut kaliyan gesangipun mangungsa. Kanthi mragata kewan kurban mekaten mujudaken setunggaling simbul bilih manungsa mekaten kedah ngethok hawa nasfu hewani ingkang wonten ing saklebeting diri pribadi. Kajawi menika ing saklebeting mragat kewan kurban menika, wonten picwucalan babagan gotong royong ing antawisipun sesami. Sedaya katindakaken kanthi sesarengan. Kados ingkang dipun tindakaken dining warga masyarakat padusunan banglen kalurahan widodomartani kapanewon ngemplak kabupaten sleman menika. Kados tahun – tahun sakderengipun, ing dinten riyaya idul adha tahun menika panitia penyembelihan hewan kurban tahun 2014 ugi mragat kewan kurban ingkang cachipun kalih lembu lan 6 menda. Ing saklebeting mragat kean kurban menika katindakaken kanthi sesarengan ing mergi sak kidul dusun. Mboten namung bapak – bapak utawi tiyang jaler kemawon, ananging kaum pawestri ing laladan menika ugi sami sengkut gurub rukun paring pambiyantu supados krida mragat kewan kurban menika sakegt lumampah kanthi gancar. Dipun pandegani dining para remaja masjid al huda, ing tahun menika panitia saget mbage atusan paket daging kurban dumateng sedaya warga masyarakat ing dusun banglen lan sak kiwa tengenipun. Kanthi raos gotong royong lan guyub rukun mekaten, saget ngentengaken pakaryan ingkang awrat lan ugi nuwuhaken kerukunan ing antawisipun warga masyarakat.
