TVRI YOGYAKARTA NEWS – ADI NUGROHO – ENDAH
Cuaca kados wedal sakmenika asring nuwuhaken kapitunan menggahipun olah tetanen kadang tani jalaran katerak sesakit nebapadene jamur, salah setunggalipun tomat. Rahayunipun, tomat dataran rendah varietas ratna kanyata kiyat ngajegi ama sesakit.
Dados kadang tani mboten namung kedah taberi pados informasi sarta seserepan enggal babagan olah tetanen nanging ugi kedah gadah jiwa ingkang kreatif ing samukasiwipun. Meh sedaya kadang tani ing laladan peisisr bantul, ing mangsa jawah menika sami nanem pantun nanging saperanagn sanesipun ugi nanem komoditas jangan kadosta lombok, lan palawija, nanging wonten ugi ingkang langkung milih taneman tomat, sinaosa kaloka ringkih sanget nalika dipun tanem ing mangsa kados wedal menika jalarann asring kenging jamur lan sesakit bosok ing perangan oyot lan ron ipun. Ewa semanten, asilipun taneman tomat ingkang dipun rimat kanyata ugi saged mawoh sae jalaran ingkang dipun [pilih jinis hibrida unggulan ingkang sampun kayekti ngasilaken. Tomat jinis ratna menika kiyat sanget prasasat mboten kenging ama menapa-menapa. Bedha tebih kapandingaken kaliyan lombok ingkang kedah ngajengi ama pathek menapa dene jamur upas., tomat ingkang sampun dipun tanem wiwit pitung dasa dinten kapengker sampun makaping-kaping dipun panen, asilipun ugi sae sanget. Dipun pilihipun tomat dening tentrem jalaran jinis taneman menika kapetang produktif sanget, mboten namung menika regi tomat ugi kapetang ajeg sae. Saged kawuningan, ama ingkang asring nerak taneman tomat mboten sanes jamur sarta bakteri. Menawi sampun kenging, kadang tani enggal-enggal ngusadani kanti ngginaken pestisida alami, nanging menawi sampun kasep lan mboten saged dipun awekani, taneman menika enggal –engal kedah dipun bedhol lan dipun besem supados mboten nular taneman sanesipun. Olah tetanen kanti cara ingkang setiti menika kanyata asilipun ugi langkung sae. Perkawis ama menapadene sesakit taneman ugi awis –awis dumados jalaran sedayanipun saged dipun kendhaleni kanti sae semanten ugi ama kadosta kutu kebul lan sapanunggalanipun mboten purun menclok.
