TVRI YOGYAKARTA NEWS – WIDI – YUDHA
Ayam arab mujudaken setunggaling jinis ayam ingkang dipun pendhet asilipun arupi tigan. Jinis ayam menika mujudaken setunggaling jinis ayam ingkang unggul jalaran saben setunggal tahunipun saged nigan ing anatwtsipun satus sangang dasa engga kalih atus seket iji. Tataran produktifitas ingkang inggil, menika ndadosaken usaha budidaya ayam arapa mujudaken setunggaling kalodhangan ingkang sae kangge nikel-aken drajating kulwarga. Ukuran badanipun ingkang namung alit, jinis ayam arab menika namung mbetahaken pakan ingkang namung sekedhik. Saben dintenipun setunggal ayam arab namung mbetahaken pakan udakawis pitung gram kemawon ingkang dipun sukaaaken wanci enjing lan sonten ingkang dumados saking jagung giling, pur, sarta katul lansega aking. Sawetawis kangge ngendhaleni wontenipun sesakit ingkang baken inggih menika njagi karesikaning kandang sarta, dis infektan kanthi ajeg.ayam menika saged ngasilaken tigan kanthi maksimal engga umur kalih tahun, sasampunipun kalih tahun ayam-ingkang mboten purun nigan wau dipun dadosaken ayam afkiran. Ing wekdal samenika pengaosing ayam arap ingkang sampun siyaga nigan pancen kalebet awis inggih menika pitung dasanan ewu saben ijinipun. Ananging menawi dipun etang kaliyan pakanipun ingkang namung sekedhik kadang tani ingkang badhe nyobi budidaya tasih pikantuk bebathen. Pengaosing tigan ayam arap ing wekdal samenika saking tataran kadang ternak ngancik kalih ewu rupiyah saben ijinipun.
