TVRI YOGYAKARTA NEWS – MARGOLARAS
Para pengrajin mebel saking kajeng ing laladan kapanewon dlingo Bantul dumugining wekdal sakmenika tasih lumampah, sinaosa kapnagaribawa manekawerni pepalang wiwit saking pagebluk covid 19 dumugi kacekapan bahan bakenipun.
Laladan desa jatimulyo dlingo bantul mliginipun ing padukuhan temuwuh lan kedung dayak, kawit jaman rumiyin kaloka dados sentra kerajinan mebel kajeng ing kabupaten bantul. Kawontenan geografis ingkang tasih kathah wana lan sumber daya alam ingkang wonten, dipun ngupangataken dining warga kanthi ndalahaken usaha meubeler mandiri. Ananging lampahipun para pengrajin menika mboten tanpa pepalang. Pagebluk covid 19 inagkang dumados sawetawis wekdal kapengker menika, ndamel katah pengrajin mebel ing laladan menika mandheg anggenipun produksi. Saengga sakmenika warga ingkang tasih nggegulang ing donyaning kertajinan mebel gunggungipun ugi langkung sekedhik kabandingaken sakderengipun pagebluk covid 19. Ing lalan menika para pengrajin radin radin ndamel mebel awujud kosen, lawang, lan meja kursi saking bahan kajeng jati utawi kajeng sanesipun miturut pesenan.
Kajawi kapangaribawa pagebluk covid 19, saya winatesing bahan baken ugi ndamel perkawis piyambak tumrap para pengrajin. Kepara kangge nyekapi kabetahan bahan baken, kedah ndatengaken saking sak jawining dlingo, saengga beya produksinipun ugi langkung inggil. Kajawi ngladosi pesenan para lenggananipun ingkang mujudaken para pangusaha perumahan, para pengrajin mebel kajeng ing laladan menika ugi ngladosi pesenan saking warga sak kiwa tengenipun.
