TVRI YOGYAKARTA NEWS – WIDI
Menawi panjenengan badhe ngersaaken kabetahan balegriya ingkang reginpun mirah, panjennegan saged tumbas ing mergi wonosari ingkang dados punjering kerajinan drem lawas.
Sapanjenging mergi Wonosari, pasipun ing wewengkon sekar suli, dumugi potorono, banguntapan bantul sampun puluhan tahun kaloka minagka punjering sesadeyan lan kerajinan saking drem lawasan. Ing papan menika wonten puluhan pengrajin lan juragan ingkang nggelar daganganipun ing sapanjanging mergi sae menika ing siring tengen lan kiwa mergi wonosari. Drem lawas, saking daya cipta lan karsanipun para pengrajin, dipun dadosaken barang ingkang migunani, wiwit sakit papan mbucal uwuh, ceret, ember, pot kepara wajan ingkang gadhah ukuran diameter langkung saking setunggal setengah meter. Tri Haryanto saweneh pengrajin ngandaraken bilih mboten dipun mangertosi wiwitanipun laladan menika dados punjering kerajinan drem lawas. Sinasoa mekaten sekarsuli sampun dados ikon utawi ciri mirunggan papan sesadeyan barang klitikan saking drem lawasan. Naminipun kemawon barang lawasan, reginipun miturut Tri Haryanto ugi langkung mirah, lan mboten wonten pathokan mirunggan. Tiyang ingkang prigel nawis badhe pikantuk regi ingkang mirah. Lumantar usaha kerajinan menika kanyata ugi saged angripta lapangan pakaryan lan sumbering wulu wektu tumprapipun warga masyarakat. Kajawi ngladosi pesenan, Tri Haryanto ugi nampi barang kerajinan ingkang saweg dipun remeni masyarakat.
Kaprigelan ndamel kerajinan saking drem lwas menika mboten wonten piwucalan mirunggan, ananging sami sinau piyambak utawi otodidak. Usaha kerajinan sekarsuli menika nate nemahi kajayan rikla tahun sangang dasanan. Pepalang utami ingkang dipun adhepi dneing para pengrajin inggih menika kedah ndatenagken bahan baken saking laladan klaten lan jakarta, lan menawi kekirangan bahan baken ugi kedah seren sawetawis produksinipun. Kajawi ndamel barang-barang enggal, pengrajin ing papan menika ugi nampi reparasi utawi ndandosi barang ingkang risak, saengga warga masyarakat saged ngirit.
