TVRI YOGYAKARTA NEWS – HENDRY – BOIM
Toya mujudaken setunggaling kabetahan utami kangge taneman, menapa malih taneman pangan. manekawerni cara kangg enyitrami ugi kathah, salah setunggalipun inggih menika irigasi kapiler.
Irigasi kapiler mujudaken salah setunggaling cara nyukani toya kangge taneman budidaya ing pundi mupangataken pipa pralon ingkang dipun saluraken wonten ing sakngandaping taneman. Cara irigasi menika nggadahi kelangkungan saged ngirit toya, amargi toya ingkang dipun saluraken mboten kebucal kathah, nikelaken efisiensi pangginaning toya lan sakpiturutipun. mil amboten maiben bilih kathah kadang tani ingkang nindaaken cara irigasi menika. sumbering toya ingkang dipun ginaaken kathah-kathahipun mupangataken sumur bor ingkang wonten ing lahan kasebat. Setunggaling bahan ingkang dipun ginaaken inggih menika pipa pralon ingkang dipun pasang wonten ing sakupengipun lahan, saklajengipun dipun saluraken migunaaken selang wonten ing sak selanipun bedengan. Gunggunging pipa lan selang ingkang dipun ginaaken ugi njumbuhaken kaliyan kabetahan kathahipun taneman utawi bedengan ingkang dipun damel. ing saktengahing pralon ug idipun pasang kran minangka kangge mbika lan nutup toya. kanthi cara menika kadang tani kejawi saged ngirit pangginaning toya ugi saged ngirit wekdal. Saklebeting nyirami, kadang tani saged nindaken pakaryan sanesipun.
