TVRI YOGYAKARTA NEWS – ZAENURI
Minagka raos kabedulaenipun dhumateng sesami, komunitas berbagi beras ing pandansimo, poncosari srandakan bantul ngadani krida nyaluraken sedekah arupi wos, dhumateng kaum dhuafa.
Krida mbage wos ingkang dipun adani ing wulan juni tahun kalih ewu kawan likur,menika mujudaken setunggaling program ingkang sampun ajeg katindaken kawit tahun kalih ewu wolulas kapengker. radin -radin saben wulanipun komunitas berbagi beras, saged bage udakawis tiga engga gansgaln ton wos. ing wulan juni menika komunitas berbagi beras saged mbage tiga setengah ton wos, selikur santunan dhumateng lare yatim, setunggal kursi rodha, setunggal walker, seket gansgal alquran, sangang dasa iqro, kalih kasur sarta setunggal gelaran.
Menggah ingkang dados sasaran mupangat sedekah ingioh menika kaum duafa utawi langip kadosta yuswa sepuh, nandang sakit awrat, disabilitas ingkang mboten saged nyekapi kabetahanipun sarta mboten wonten kulawarganipun ingkang produktif. Ingkang pikantuk sedekah kathah-kathahipun tiyang sepuh ingkang sampun mboten wonten sak kadangipun ing seket kapanewon ing Ngayogyakarta. Kaum dhuafa menika saderengipun dipun teliti lan dipun verifikasi dening jaringan relawan, mliginipun saking karang taruna. Sumber dana asalipun saking donasi warganipun ingkang purun sedekah kanthi sukarila lan ajeg, ingkang dumugining wekdal sakmenika sampun ngancik sewu kawan likur anggota aktif. donasi dipun saluraken saben wulan kanthi nyisishaken saldo. Sedaya pengurusipun lelahanan tanpa opah menap adene beya operasional, wekdal sakmenika wonten kawan atus seket relawan lapangan ingkang aktif. Kajawi nyaluraken wos sedekah komunitas berbagi beras ugi ngemonah wakaf arupi kursi roda kanthi lelahanan dhumateng kaum dhuafa. Wekdal sakmenika gungguning kursi roda wonten tigang atus iji. Lumantar krida menika saged to dados amal kasenan ugi ndamel Ngayogyakarta langkung istimewa lumantar sedekahipun.
