Taneman tapak dara abrit pancen sanes mujudaken taneman ingkang asring dados klangenan ing griya, taneman tapak dara abrit kepara dipun tepang minangka taneman pasren kampung ingkang kathah tuwuh ing pekawisan tanpa dipun rimat.
Katha pawadan tiyang mekaten mboten remen nanem tapak dara, ingkang sepisan temtu ninghali saking wujud taneman sarta sekarripun ingkang namung prasaja sarta gandanipun ingkang mboten wonten arumipun babarblas. Nanging menawi dipun tingali saking sisih donyanig herbal, tentu taneman tapak dara mekaten mujudaken taneman ingkang kathah dipun padosi jalartan mupangatipun ingkang ageng. Tapak dara ingkang gadah nama latin carantus roseus menika wiwit saking perangan sekar, ron, dumugi oyotipun saged dipun mupangatakan minangka obat ingkang mandi. Mboten baen baen, sesakit awrat kados dene kanker ugi saged dipun atasi saking herbal tapak dara menika jalaran miturut panaliten, tapak dara ngandet alkoloid ingkamg arupi vinblastin sarta vinkristin ingkang woten ing salebeting ron sarta pang taneman tapak dara. Kekalih zat menika minangka bahan aktif ingkang ing donyaning medis dipun ginaakn minangka bahan kemoterapi. Kejawi menika tapak dara ugi murakani sanget kangge ngusadani kariskan sel ingkag sipatipun oksidatif jalaran kandetan flavonoid ingkang inggil lan gadah sipat antioksidan. Zat meniak saged ngatasi sesakit kariksan oksidatif kadosta hipertensi, Ateroklerosis, sarta sesakit neo generatif kados parkinson lan Alzheimer.
