TVRI YOGYAKARTA NEWS – BAMBANG HARTOYO
Para pamirsa, kangge njagi ketahanan pangan, salah setungalipun ingkang saged dipun budidayaaken dening among tani inggih menika sorgum. Taneman menika tahan saking ama lan sesakit sarta saged gesang kanthi sae ing lahan ingkang kirang toya.
Kadayan kawontenan cuaca ingkang ekstrim ingkang dumados ing pungksaning wekdal menika ndamel kadang tani ing laladan cilacap jawa tengah nemahi ggal panen. Bab menika temtunipun ndamel kapitunanan menapadene tenaga. Nguningani kawontenan ingkang mekaten menika saklajengipun kadang tani ing laladan cilacap wiwit nanem shorgum utawi jagung canthel kangge njagi pasudiyan pangan mandiri. Saweneh warga ingkang nindaken budidaya taneman shorgum utawi canthel inggih menika, Marijan warga Desa Grugu Kawunganten Cilacap. Taneman shorgum cara ngrimatipun gampil, ngirit rabuk, lan wekdal panenipun dangu-dangunipun tigang wulan. Sasampunipun panen taneman shorgum badhe tuwuh trubus utawi semi malih saengga saged dipun panen langkung saking kaping kalih. Shorgum garing dipun sade kawan ewu rupiyah saben sekilonipun, sawetawis wos shorgum ngancik gansgal welas dumugi nem belas ewu ripuyah sekilonipun. Saben setunggal hektar kadang tani saged pikantuk asil sekawan dumugi gansal ton.
Sawetawis menika selamet riyadi, saweneh kadang tani saking bulaksari ngandaraken bilih wonten atusan hektar lahan taneman shorgum, ing sekawan kecamatan inggih menika kecamatan jeruklegi, kecamatan kawunganten Kecamatan Kampunglaut, Bantarsari, Patimuan, ananging kewetan anggenipun badhe nyade asiling usaha tani kala wau. Kadang tani gadhah pangajab pamarintah paring bebanton arupi pawitan, mesin pengolah lahan, mesin panen sarta mesin kangeg ngolah shorgum dados wos.
