TVRI YOGYAKARTA NEWS – WIDI – HARIF YUDA
Usaha budidaya menda, asilipun mikolehi jalaran panywuanan peken ingkang tinarbuka lan ngrimatipun gampil.
Budidaya menda asilipun langkung mikolehi, kajawi kathahing wande ingkang nginaken bahan baken daging menda, ngepasi dinten riyaya kurban panyuwuananh ugi badhe saya tikel tekuk. Kalodhangan kasebat dipun mupangataken dening saweneh warga inggih menika dodo, ingkang milih menda bligon, saperlu dipun budidayaaken, usaha budidaya menda menika kawiwitan tahun kalih ewu tiga likur kapengker kanthi gungguning babonan wonten sedasana siji. Ing saklebeting ngingah menda bligon piyambakipun langkung milih breding utawi nganaaken menda bligon, samangke menawi sampun kathah cempenipun, nembe dipun sade. Miturut dodo ing saklebeting nyukani pakan, piyambakipun mboten kewetan jalaran menda-menda ingkang dipun ingah menika dipun sukani pakan arupi suket sarta rambanan wiwit saking godong nangka, kleresede, lamtoro engga kaliandra. Sawetawis kangge komboranipun ngginaken ampas tela, lan katul ing wanci enjing.
Kapilihipun jinis menda menika jalaran gampil pangrimatanipun, saben tahun menda menika saged manak kaping kalih, saben manak cempenipun saged ngancik kalih engga tiga. Setunggal cempe umur sekawan wulanan pajeng gansgal atus dumugi nem ewu rupiyah kangge cempe wedok lan nem atus dumugi pitung atus seket ewu rupiyah kangge cempe jaler.
