TVRI YOGYAKARTA NEWS – WIDI – HARIF YUDA
Gadhah sumber daya alam arupi pesabinan kedah dipun syukuri kanthi cara nggulawenthah sumber daya kasebat kanthi professional lan lumintu. Salah setunggaling cara inggih menika lumantar usaha tani mina padi.
Salah setunggaling cara nggulawenthah pesabinan ingkang profesional inggih menika jamboraken antawisipun taneman pantun lan ulam utawi ingkang asring sinebat mina padi. Menggah usaha tani mina padi inggih menika ing sakupenganing lahan olah tetanen pantun dipun damel setunggaling kalenan ingkang wiyaripun udakawis setengah meter sarta lebetipun kawan dasanan sentimeter. K5alenan menika saklajengipun kangge nindaaken usaha budidaya ulam. Menggah ingkang cara ingkang katinadken inggih menika nanem pantun langkung rumiyin, sasampunipun umuring pantun udakwis sedasa dinten nembe winih ulam nila dipun sebar ing lahan pesabinan. Winih ulam ingkang dipun sebar ingih menika ingkang sekilonipun isi selangkung iji sadangunipun udakwsi tigang wulan ulam wau sampun saged dipun panen kanthi ukuran setunggal kilo isi woulung iji ulam. Anthi wontenipun cara ingkang kados mekaten menika kanyata taneman pantun mboten katerak ama wereng jalaran dipun pangan ulam, sawetawis ama tikus ingkang asring ngrebasa ugi mboten mlebet ing lahan pesabianan jalaran lahan tansah kembong toya. Lumantar cara menika wulu wektuning kadang tani ugi saya tikel tekuk, jalaran wonten kalih komoditas tetanen ingkang saged dipun panen inggih menika pantun sarta ulam.
Ningali asil ingkang maremaken menika usaha mina padi saged dipun mekaraken dening kadang tani, ing laladan ingkang toya irigasinipun sae, wusananipun saged nikelaken karaharjan kadang tani.
