TVRI YOGYAKARTA NEWS – META – ROCHIM
Kajawi gadhah sesawangan alam ingkang endah, laladan Kedungjati, wekdal sakmenika ugi dipun jangkepi wontenipun Kreteg Enggal, kanthi nama Kreteg Kedungjati utawi ingkang kaloka Jembatan Merah.
Kreteg Kedungjati ingkang dumunung ing Desa Selopamioro Bantul dipun bangun dening Badan Nasional Penanggulangan Bencana (BNPB), ingkang gadhah tujuwan kangge ngregengaken potensi wisata, sasasampunipun kretreg lami kentir katrajang bena ing tahun kalih ewu pitulas kreteg menika kajawi sinebat Kreteg Kedungjati, ugi kaloka kanthi nama Jembatan Merah jalaran saperangan ageng wernining cet kreteg menika werni abrit. Ing laladan menika asring dipun datengi dening warga masyarakat kangge ngenggar-enggar manah, mliginipun para wiranem menapadene kulawarga ingkang badhe nagresepi lan ingali sesawangan alam. Kathahing warga ingkang sami ngendhangi papan menika, kanyata ugi ndamel ubenging ekonomi saged lumampah, kacihna saking wontenipun warung-warung ing sakiwatengene ing kreteg. Saking papan menika para pelancong ugi saged mirsani swasana lepen. Kreteg menika ugi ketinggal tasih asri, saengga para pelancong lokal menaapdene saking sakjawining laladan karaos betah ing papan menika. Kreteg menika ugi sampun dipun jangkepi wontenipun sensor bena, lan kajaba saged narik kawogatosan piyambak jalaran swasana alamipun kadosdene sesawangan lama ing daratan Tiongkok. Dipun betahaken usaha ingkang maksimal lan inovasi kangge mekenaken laladan ing sakiwatengening kreteg saengga obyek wisata mboten muspra, lan tansah njangkepi srana wisata sanesipun, menapadene event saenga para wisatawan badeh ngendhangi papan menika malih.
