TVRI YOGYAKARTA NEWS – WIDI
Usaha budidaya vanili, gadhah kalodhangan peken ingkang tinarbuka. Kanthi regi ingkang inggil saged dados cagakiong gesang lan nikelaken raharjaning kadang tani.
Salah setunggaling laladan ing Kulonprogo ingkang warganipun mekaraken taneman vanili inggih menika ing Dusun Tukharjo, Purwoharjo, Samigaluh, Kulonprogo. Taneman vanili ingkang dipun budidfayaaken dening warga menika dipun tanem ing lahan kanthi dipun rambataken ing taneman tegakan. Waldiyo saweneh kadang tani mratelaken taneman vanili menika nate dados taneman ingkang dipun remeni kadang tani utawi dados primadona. Emanipun taneman vanili menika kathah ama lan sesakitipun. Wusananipun kadang tani mboten kathah ingkang nanem vanili malih. Kajawi menika, pangrimatan taneman vanili ugi kapetang njlimet, kalebet nalika badhe ngawohaken.
Taneman vanili mujudaken salah setunggaling taneman rempah ingkang gadhah bobot ekonomi inggil. Taneman vanili menika nate pikantuk sebatan minangka emas ijem jalaran reginipun ingkang awis. Setunggal kilogram vanili garing saged pajeng engga kalih yuta rupiyah, sawetawis who ingkang tasih teles kalih atus ewu rupiyah sekilonipun.Inggiling regi temtunipun nindaken usaha budidaya vanili mujudaken setunggaling kalodhanagn ingkang sae lan aged nikelaken karaharjaning kadang tani.
