TVRI YOGYAKARTA NEWS – WIDI
Para pamirsa, kangge njagi lestantuning anggrek ingkang tuwuh ing pareden menoreh Kulonprogo saweneh warga saking Sekendal Hargotirto, Kokap Kulonprogo njagi lan mekaraken spesies anggrek menoreh. Sasampunipun ngrembaka kathah, saklajengipun badhe dipun wangsulaken ing habitatipun.
Pareden menoreh, ing laladan Kulonprogo nyimpen manekawerni sumber kenakaragaman hayati, salah setungalipun inggih menika taneman anggrek. Wonten puluhan jinis taneman anggrek ingkang tuwuh ing wana-wana pareden menoreh. Saperangan ugi sampun mlebet ing spesies langka. Sekar anggrek alam ing pareden menioreh menika nugi gadhah ciri mirunggan, sarta sekaripun ingkang endah. Emanipun jalaran kawontenan cuaca menapadene tetiyang ingkang sami pados taneman anggrek, ndamel taneman anggrek wau saya kirang. Nguningani kawontenan ingkang mekaten menika saklajengipun, Heri Setiawan sawenha warga Sekendal, Hargatirto, Kokap, Kulonprogo kupiya njagi lestantuninga sumber keanekaramana hayati kala wau. Kajawi dipun tanem ing wana-wana ing sakiwatengening laladanipun, piyambakipun ugi nembe mbabar taneman kala wau ing pekawisanipun. Sasampunipun anggrek kasebat sampun ngembaka dados taneman ingkang sampun deewasa, saklajengipun taneman anggrek wau dening Heri Setiawan badhe diupun wangsulaken ing habitat aslinipun ing wana-wana pareden menoreh. Heri Setiawan ugi badhe ajak-ajak dhumateng warga masyarakat ing sakiwatenenginipun saperlu njagi banda alam saking menoreh menika. Kajawi minagka kupiya njagi lestantuning lingkungan krida menika ugi dados salah satunggaling sarana pemberdayaan masyrakat.
