TVRI YOGYAKARTA NEWS – MARGOLARAS
Kangge caos syukur dumateng para guru paud lan taman kanak kanak ing laladan Kalurahan Gadingsari Sanden Bantul, ingkang sampun paring tulada saha ngelmu babagan agama lan budaya dumateng lare lare hingga lulus lan sakmenika bade nglajengaken ing Sekolah Dasar, pamarintah Kalurahan Gadingsari, Sanden, Bantul ngawontenaken gebyar PAUD, kanthi nggumelar adicara lomba lan pentas seni budaya Ngayogyakarta.
Pamarintah Kalurahan Gadingsari Sanden Bantul ngempalaken sedanten guru lan murid paud ing laladan gadingsari, sesarengan caos syukur lan nyambet para murid padu ingkang lulus lan bade nglajengaken sekolahipun ing tingkat SD tahun 2024 sak menika. Ing aula kalurahan menika dipun wontenaken adicara gebyar paud gadingsari, ikang tajukipun berbudaya khas Jogja lan berakhlak mulia. Sampun dipun mangertosi bilih aklaminipun sinau ing sekolah PAUD, lare-lare kejawi dipun tuladani babagan agama, ugi babagan budaya Ngayogyakarta kadosta unggah ungguh lan tata krama, hingga seni budaya Ngayogyakarta. Karana menika wontening adicara gebyar PAUD Gadingsari menika, sanese dipun wontenaken lomba lomba ugi pentas seni lan budaya. Dipun sengkuyung kalian bunda paud Kabupaten Bantul Emi Masruroh, saben-saben sekolah TK lan PAUD nampilaken maneka werni kesenian ingkang sampun di ajaraken kalian para guru. Kejawi kangge pentas panglipuran, pentas seni menika ugi kangge nepangaken seni budaya utaminipun sakaing Ngayogyakarta, saha nuwuhaken raos tresna dumateng seni budaya ing Ngayogyakarta. Pamarintah Kalurahan Gadingsari ngaturaken panuwunipun dumateng ibu-ibu guru PAUD, ingkang sampun nderek berjuang ndamel kesaenanipun lare lare saha sekolah. Sahingga dipun pangajab lare lare samangke tuwuh dados tiyang ingkang soleh solehah, nggahadi unggah ungguh lan suba sita, tresna dumateng budaya lan migunani tumrap bangsa.
Bunda PAUD Emi Masruroh ngemutaken bilih pendidikan menika penting kangge tembe ngajeng lare lare samangke, sahingga saking para guru menika nuladani supados lare lare dados tiyang ingkang pinter, mandiri, sehat, lan berbudaya Istimewa Ngayogyakarta. Lurah Gadingsari mratelakaken bilih ing laladan Kalurahan Gadingsari wonten pitulas lembaga pendidikan tingkat TK lan kelompok bermain, kapantha wolung TK kalebet lembaga formal lan sangang kelompok bermain cacahipun lembaga non formal. Saking pitulas wonten kalihatus pitungdasa murid, ingkang kapesthekaken sedanten katampung ing sekolah TK lan SD wontening Gadingsari.
