TVRI YOGYAKARTA NEWS – HENDRY – UCU
Ing saktengahing kebon budidaya gadahanipun kadang tani ing Pesisir Kidul wonten setunggaling wit ingkang sekaripun endah, mboten sanes inggih menika sekar turus ingkang kanyata ugi kebak mupangat.
Kados mekaten menika wujudipun sekar turus ingkang werninipun ungu semu pethak. Sekar menika kathah tuwuh wonten ing pesisir kidul ing saktengahing taneman olah tetanen kadang tani. Mboten maiben bilih sekar menika lajeng ndudut kawigatosan sok sintena ingkang nglangkungi laladan menika. Saged kawuningan, dumugi wedal sakmenika kathah tiyang ingkang namung mupangataken ron turus kangge ijeman pakan ternak kemawon menapa dene mupangataken taneman turus menika kangge pager gesang. Perangan sekaripun ugi mboten nate dipun kemponah babar blas. Sekar turus keawji gadah wujud ingkang endah kanyata ugi gadah mupangat ingkang kathah menggahing kesarasan badan. Dereng kathah ingkang mangertosi bilih kanyata sekar turus menika saged dipun olah dados kelan ingkang echa sanget. Raosipun ugi kados buncis nem, langkung cocvok menawi dipun oseng sinaosa namung kanti bumbu ingkang prasaja. Mboten namung menika, sekar turus ingkang nganbdet anti oksidan inggil, vitamin C sarta manakawerni mineral meniak kanyata saged ngusadani tekanan rah inggil, mbrasta plak ing salebeting vena, ngandapaken kolestreol sarta nggancaraken pencernaan. Sekar ingkang ketingal sepele menika sampun kathah dipun mupangataken minangka janganan ingkang kebak mupangat.
