TVRI YOGYAKARTA NEWS – HENDRY SAPUTRA – UCU
Gandeng kaliyan kirangipun pangrimatan ndamel taneman janganan sawi ingkang dipun budidaya dneing kadang tan ing Gadingharjo, Sanden, Bantul katerak ama lan alum saengga ngedhak-aken asil panen.
Kados ingkang kauwningan bilih taneman jangganan sawi mujudaken salah setunggaling taneman olah tetanen piyandleipun kadang tani. Ananging gayut kaliyan kirangipun pangrimatan lan wontenipun ewah-ewahaning mangsa temtu bab meika ndamel kathah taneman kadang tani ingkang sami risak katerak ama lan sesakit. Kados taneman janganan sawi gadahanipun kadang tani ing laladan Gadingharjo, Sanden, Bantul menika ketingal alum lan risak. Kadang tani ngandaraken bilih pancen taneman sawi ingkang dipun budidaya menika kirang pangrimatan, kabetahan toya mboten kacekapan lan ugi anggenipun mbrasata ama lan sesakit kirang maksimal. Kawontenan wau lajeng ndayani taneman janganan sawi ingkang dipun budidaya menika risak lan alum. Ing saperangan ron kepara sami bolong dipun rebasa ama uler menapadene walang, dene ing perangan saensipun wonten ingkang garing. Sejatosipun taneman sawi ingkang dipun budidaya meika kapetang sae ing purwakaning nanem. Menapa malih rabuk kandang minangka perangan wigati ing saklebeting mbudidaya taneman janganan ing pesisir menika kacekapan kanthi sae. Kamangka taneman sawi menika mujudaken salah setunggalipun taneman olah tetanen piyandelipun kadang tani amargi jangka wekdal panen ingkang cepet lan panyuwunan ingkang ajeg. Miturut rantaman semangke menawi smapun dipun olah kadang tani badhe nanem taneman komoditi sanesipun.
