TVRI YOGYAKARTA NEWS – WIDI
Supados ketingal endah lan gadhah bobot seni ingkang inggil setunggaling duwung mekaten mbetahaken wadah ingkang kawastanan warangka.
Ndamel warangka menika mboten sedaya tiyang saged nglampahi, namung tiyang ingkang gadhah kaprigelan mirunggan kemawon ingkang saged ndamel warangka ingkang saged manunggalaken raos antawisipun duwung lan warangkanipun. Salah setunggaling laladan ingkang warganipun sami ndamel warangka inggih menika ing laladan Banyusumurup, Imogiri, Bantul. Ing desa menika wonten puluhan warga ingkang ndamel jejangkeping duwung ingkang katindakekn run tumurun lan saged cagaking gesang. Usaha kerajinan ndamel warangka ing papan menika sampun kawiwitan ing tahun sewu sangang atus seketan. Salah saweneh pengrajin jejangkeping duwung inggih menika yamto, ingkang sampun makarya sadangunipun tigang dasa gangsalan tahun. Bahan ingkang dipun ginaken kangge ndamel warangka inggih menika lempengan kuningan. Pirantos kangge ndamel warangka dumados saking dasaran arupi aspal, tatah sarta pukul. Lempengan kuningan dipun damel jumbuh kaliyan sarung duwung saklakjengipun dipun papanaken ing sak nginggiling dasaran aspal wau nembe dipun tatah jumbuh kaliyan motif ingkang dipun kajengaken. Supados ketingal cumlorot warangak wau saklajengipun dipun toya jeram menaapdene larutan h-c-l. Kajawi saking kuningan yamto ugi ngladosi panyuwuanan warangak ingkang bahanipun saking jene. Kajawi warangka yamto ugi ndamel pendhok, branggah lan gagang duwung, sae gagrak Ngayogyakarta lan Surakarta. Lengagaanipun saking saindenging nuswantara kepara wonten ingkang saking mancanegari. Saking desa menika saged pikantuk gegambaran kadospundi duwung dalah jejangkeping dipun damel saengga ngasialekn setunggaling duwung ingkang endah lan dados warisaning budaya donya.
