TVRI YOGYAKARTA NEWS – MARGOLARAS
Ngadepi mangsa ketiga para kadang tani ing imogiri bantul ngopeni damen sisa panenan pantun kala wekdal kepengker, kanthi cara ditata lan ditumpuk ing pinggir pesabinan. Damen menika sanese kangge cadangan pakan lembu, ugi pajeng disade rikala mangsa ketiga samangke. Tumrap kadang tani lumayan menawi disade dados tambahan ulu wedal.
Ing wanci panen pantun dipun pesthekkaken nilaraken damen utawi sisa taneman pantun ing sabin, kathah sithikipun gumantung wiyaripun lahan tetanen. Menawi mangsa ketiga damen meniko kathah dipadosi tiyang utaminipun peternak ingkang mboten gadah lahan tetanen. Lebaripun panen wonten ingkang dipun beta wangsul kangge pakan lembu, namung wonten ugi dipun simpen rumiyin kanggo cadangan pakan lembu wanci ketiga samangke. Para kadang tani ing nogosari wukirsari imogiri bantul nggadahi adat saben run tumurun, bilih damen sisa panen pantun menika dipun openi kanthi cara ditata lan ditumpuk ing pinggir sabin. Caranipun nata lan numpuk ugi sami njih meniko nginggilipun dipun kucir supados menawi jawah toya mboten mlebet ing tengahing damen, namun kepayon lan dawah ing pinggir tumpukan damen. Dipun pangjab menawi jawah damen mboten cepet bosok. Miturut kadang tani, tumpukan damen wonten ing pesabinan menika pancen kangge simpenan cadangan pakan lembu, bade dipun sade wanci mangsa ketiga samangke. Adat sabenipun kathah ingkang madosi lan pajeng disade kanthi regi adol ngremenaken. Setunggal tumpuk damen menika dipun aji setunggalatus duhi kalih atus ewu.
Miturut kadang tani, tumpukan damen menika sampun gangsalwelasan dinten dipun simpen ing sabin sak sampunpun panen pantun. Wontenipun tumpukan damen meniko mboten ngganggu anggnipun bade olah tetanen, sebab mboten bade ditanem pantun malih nanging gantos taneman palawija. Pesabinan mbulak nogosari meniko kagolong tetanen tadah hujan, sahingga kadang tani namung saget nanem pantun sepindah ke mawon ing sakjeroning setunggal tahun. Karana meniko damen sisa panen pantun dipun openi karana saget dipun sade ing mangsa ketiga, kangge tambahan ulu wedal.
