TVRI YOGYAKARTA NEWS – ADI NUGROHO – WENDY
Kaendahaning alam ing laladan Kabupaten Kulonprogo mliginipun ing paereden menoreh, kadosdene mboten wonten telasipun menawi dipun tlusuri. Salah setunggalipun inggih menika kaendahaning Watu Tekek ing Kapanewon Samigaluh.
Setunggal malih potensi wisata ingkag tuwuh lan ngremabak ing laladan Kapannewoni Samigaluh, Kulonprogo inggih menika jujugan Wisata Watu Tekek. Jujugan Wisata Watu Tekek dumunung ing Padusunan Madigondo, Kalurahan Sidoharjo, Kapanewon, Samigaluh, Kulonprogo. Nama Watu Tekek piyambak dipun dadosaken nama jalaran jujugan wisata menika, miturut gugon tuhon ingkang wonten ing sak tengahing masyarakat ing sela menika kathah tekek ipun. Lan menawi dipun pirsani sela menika ugi memper kaliyan sirah tekek. Jujugan wisata ingkang dipun meklakaarken wiwit tahun kaloih ewu pitulas menika nawisaken kendahaning sesawangan alam, ingkang ndamel sok sinten kemawon ingkang ngendhangi papan menika badhe mirsani sesawangan pareden ingkang ijem lan asri, dipun tambah kanthi wontenipun manekawerni spot poto. Mboten namung menika manekawrni jinising taneman hias ingkang dipun tanem dening pengelola wisata, satya nambah kaendahaning jujugan wisata watu tekek. Mboten maiben duk rikala dereng dumados pageblug Covid-19, papan menika kathah dipun datengi dening para pelancong, mboten namung saking laladan DIY ananging ugi saking sakjawining ranglkah DIY. Emanipun jujugan wisata ingkang nate kaloka menika sakmenika kirang pikanbtuk pangrimatan saking pengelaola wisata. Bab menika kaciohna saking kathahipun manekawerni srana mliginipun spot-spot poto ingkang sami risak. Ngendhangi jujugan wisata watu tekek cocok sanget katindaken dening sok sintena kemawon ingkang badhe nanemaken raos tresna dhumateng lingkungan, nikelaken raos pitados dhumateng diri pribadi lan seserepan babagan alam. Ngendhangi wisata watu teke para pelancong sampun tumut njagi lestantuning lingkungan.
