TVRI YOGYAKARTA NEWS – ADI NUGROHO – WENDY
Taneman adenium utawi Kamboja Jepang dumugining wekdal samenika kanyata ugi tasih gadah pamor, sak mboten mbotenipun kangge pasren ingkang nengsemaken ing pekawisan griya.
Sekaripun ingkang manekawerni sarta wit ingkang gadhah cakrik nyleneh dados kawigatosan mirunggan para sutresna taneman hias. Naminipun adenipun, sawetawis wedal kapengker, adenipun nate dados ratuning sekar ingkang pengaosipun ainggil sanget. saya malih menawi blegeripun ageng lan sampun dados. Jumbuh kaliyan lampahing wedal, jinis sekar adenium hibrida ugi tansaya mankawenei, sae werninipun menaodene bentuk sekaripun. Wekdal samenika varietas adenium ugi sampun ngancik atusan. Joko, warga gadingsari bantul saweneh sutresna taneman adenium mratelaken bilih sutresna sutresna taneman menika ugi tasih kathah jalaran jalaran gampil ngrimatipun. Joko nandesaken, taneman adenium utawi kamboja jepang mekaten mujudaken setunggaling jinis taneman hias ingkang mboten remen toya. Menawi kekathahen toya taneman menika saged pejah jalaran oyotipun dados bosok. Sawetawis menika menawi sampun kalajeng bosok taneman adenium wau dipun bedhol lajeng dipun icali ingkang bosok engga resik. Salajengipun taneman wau dipun gantung udakawis setunggal minggu engga radi kirang tlutuhipun. Sasampunipun menika saged dipun tanem ing media ingkang sampun dipun cawisaken wau. Langkung tandes malih Joko ugi mgandaraken, menggahing sutresna adenium, perangan ingkang palig damel remen ing manah mboten saes inggih menika saged nyambung manakwerni jinis sekar adeniium ing setunggal taneman engga ngasilaken setunggal taneman ingkang gadah manakawerni jinis sekar. Kejawi meniak adenipun ugi endah sanget nalika dipun rimat ngantos ageng lan dipun bentuk kados bonsai.
