TVRI YOGYAKARTA NEWS – WIDI – HARIF YUDA
Para pamirsa,menawi panjenengan badhe mangertosi lampah perjuwanganipun Nyi Ageng Serang, ngiras pantes napak tilas papan nalika berjuwangipun, panjenengan saged ngendhangi pasareyanipun ingkang dumunung ing Pedusunan Beku, Banjar Harjo, Kalibawang Kulonprogo.
Nyi Ageng Serang utawi Raden Ajeng Wustiyah Wulaningsih Retno Edi mujudaken putri pangeran natapraja, panguwaos tlatah Serang, ingkang ugi mujudsaken wewengkon kaprajan mataram. Duk rikala jaman kawuri Nyi Ageng Serang ugi sampun tumut mengsah walandi sedarenagn kaliyan ramanipun. Sakaljengipun Nyi Ageng Serang ugi manunggal kaliyan Pangeran Diponegoro,lan dados salah setungaling panglima perangipun. Saking padusunan beku menika Nyi Ageng Serang mrenata strategi kangge mengsah walandi. Nalika manunggal kaliyan Pangeran Diponegaoro, Nyi Ageng Serang ingkang ahli bing babagan strategi perang yuswanipun sampun kapetang sepuh, ngancik pitung dasa kalih tahun. Jalaran kawontenan raganipuni ingkang sampun ringkih, ing saklebeting perang mengsah walandi kedah kausung ngginaken tandhu. Nyi Ageng Serang piyambak lair ing tahun 1752 lan seda ing tahun 1838. Lan sakderengipun seda nyi agneg serang sampun pesen dhumateng pada nderekipun supados samangkenipun dipun sareaken ing padusuanan beku menika. Ing pasareyan menika ugi dipun sarek-aken nyiageng serang kaliyan, ibu sunthi dalah prejuritipun cacah kalih. Ing bangunan sanesipunugi dipun sareaken Pangeran Kusumo Wijoyo garwanipun Nyi Ageng Serang. Kompleks pasareyan Nyi Ageng Serang ing pareden menoreh dipun bangun minagka pratanda pakurmaan awit perjuwanganipun mengsah walandi. pareden ingkang rumiyinipun dados ppan mrenata strategi perang, sakmeniak dados salah setunggaling jujugan wisata religi tumprap para poelancong lan peziarah. Pasareyan pahlwan nasional menika rame ing dinten besar islam, wulan Muharam langkung-langkung ing dinten selasa lan jemuah Kliwon. Ing papan menika ugi edum eyum jalaran wontenipun wit Ciklisari lan Cempoko Mulyo.
