TVRI YOGYAKARTA NEWS – WIDI – HARIF YUDA
Supados usaha kerajionan saged lumampah lan pajeng ing peken, para pengrajin ing Bantul tansah nindaaken inovasi tumprap asil karyanipun.
Marjono, warga saking, Kweni, Dongkelan, Bantul sampun ndalmel kerajinan ukiran kajeng, wiwit tahun sewu sangang atus sangang dasa wolu. Saderengipun Marjono usaha mandiri, piyambakipun makarya tumut tiyang sanes. Anaging jiwa mandireng pribadhinipun tuwuh, wisananipun ing tahun sewu sangang atus sangang dasa wolu pyambakipun ndamel usaha ing griyanipun ppiyambak. Manekawerni asiling kerajinan antawisipun konsul, slintru, lawang, bakenipun sedaya ingkang wonten gandheng cenengipun kaliyan bbagan ukiran sedaya dipun tampi. Menawi saderengipun piyambakipun anggenipun nindaken pakaryanipun namung piyambakan, jumbuh kaliyan kathahing panyuwuanan samenika Marjono sampun nggandeng kaliyan tenaga karya saking tangga tepalihipun. Asiling pakaryanipun Marjono ingkang sampun dipun lampahi wiwit tahun sewu sangang atus sangang dasa wolu ing wekdal samenika sampun nedahaken asilipun. Sinaosa mboyten ageng sanget kanyata saged kangge nyekapi kabetahaning kulawarganipun. Kesuksesasn miturut Marjono mboten kedah gadhah tetumpakan ingkang sae, lan papad padunungan ingkang ageng, ananging ingkang wigati inggih menika saged kangge nyekapi kabetahaning kulaarga. Pahit manising ushaa ugi sampun dipun temahi, kalebet sadangunipun dumados pageblug Covid-19.
Lampah gesanging marjono menika saged dados setunggaling tuladha ing satengahing tasih kathainipun warga langip. Kanthi jiwa ingkang mandireng pribadi saged angruipta setunggalong pakaryan tumprap diri pribadhinipun dalah tiyang sanes. Bangsa Indonesia dados setunggaling bangsa ingkang langkung anggdhai martabat ingkang inggil, kapandhingaken menawi namung ngintun tenaga karya dhateng mancanegari.
