TVRI YOGYAKARTA NEWS – HENRY SAPUTRA – HARIF YUDA
Komoditas olah tetanen labu jepang ingkang wedal samenika saweg adreng dipun mekaraken ing laladan Sleman kanyata nggadahi pangajeng-ajeng ingkang sae lan kapetang gampil pagrimatanipun.
Labu jinis menika dipun pilih jalaran kalebet winih jinis unggul ingkang gadah kelangkungan kathah, kapandingaken kaliyan labu jepang ingkang dipun kemonah dening kadangtani sanesipun, taneman ingkang wujudipun meh sami kaliyan timun suri gadahanipuin menika ketingal langkung subur. Mboten namung menika, mawohipun sae lan ndados kathah. Mardinah setunggaling kadang tani saking laladan ngrandu harjobinangun ngandaraken bilih taneman menika kapetang produktif sanget amargi saged dipun panen makaping-kaping. Ing wekdal sakmenika piyambakipun sampun nindaaken panen kaping 20 ingkang asilipun maremaken. Setunggalipun saged ngancik ukuran setunggal setengah kilo. Bab wigati ingkang kedah dipun gatosaken ing antawisipun rabuk kandang sampun ngantos telat, lingkungan gesang taneman menika ugi kedah dipun jagi garingipun. Mila sasampunipun kenging toya jawah, lajeng enggal–enggal nyiram taneman ipun mawi toya resik kanti tujuan ngicali toya jawah ingkang sipatipun asam ngiras pantes kangge ngawekani tuwuhipun jamur. Taneman labu jepang ingkang asring kembeng toya jawah sampun saged dipun pesthekaen badhe pejah jalaran bosok ing perangan oyot menapa dene ronipun. Kejawi menika wontenipun virus jene ugi kedah dipun gatosaken. Asiling panen menika mangkenipun badhe dipun setoraken dateng juragan ing laladan tempel.
