TVRI YOGYAKARTA NEWS – HENRY SAPUTRA – HARIF YUDA
Ing wekdal sakmenika pekenan janganan selada wiwit sae malih, panyuwunan ing peken sampun kathah, sanadyan pengaos setunggal kilonipun taksih kapetang andhap.
Ing purwakaning pageblug Covid-19 panyuwunan taneman janganan selada mandhap. ananging ing wekdal sakmenika panyuwunan selada wiwit sae malih. Setunggaling kadang tani ing laladan dusun kemput hargobinangun pakem sleman ngandaraken bilih panyuwunan selada sampun wiwit tikel sanadyan pengsaosipun taksih kapetang dereng sae. Piyambakipun ngakeni bilih sakderengipun wonten pageblug covid-19 seunggal kilo selada dipun kerta aji 17 ewu rupiah, ananging ing wekdal sakmenika namung sedasa ewu rupiah. Sanadyan taksih kapetang andhap ananging piiyambakipun tetep sengkut anggenipun ngrimat seladanipun. Meh saben dinten piyambakipun saged panen selada ingkang dipun kintun dateng peken kranggan. Taneman selada kapetang taneman ingkang mbetahaken pangrimatan ingkang saestu. Taneman menika mbetahaken hawa benter lan toya ingkangf cekap. Taneman menika dipun budidaya mawi cara organik ngginaaken bucalan lembu. Perkawis wigati sanesipun ing saklebeting nanem selada inggih menika milih winih utawi bibit ingkang sae . Taneman selada menika mbetahaken eyup-eyup arupi plastik uv supados asilipun sae. Eyup-eyup menika ugi kangge ngirangi toya jawah ingkang saged ndamel taneman selada bosok menawi kekathahen toya. Bab sanes ingkang kedah dipun gatosaken inggih menika wontenipun ama uler ingkang saged nerak perangan ron-ipun. Awit saking menika piyambakipun saben dintenipun langkung setiti anggenipun ngrimat taneman selada menika.
