TVRI YOGYAKARTA NEWS – ADI NUGROHO – WENDY
Ngingah ulam lele saged katindaken ing setunggaling lahan ingkang winates. Salah setunggaling teknologi ingkang saged dipun trepaken inggih menika ngingah lele ing blumbang ingkang dipun damel saking terpal.
Usaha budidaya winih ulam lele mawi terpal menika wonten ing laladan Dusun Paraksari Pakembinangun Pakem. Joko minangka setunggaling pambudidaya lele ngandaraken bilih usaha menika smapun kawiwitan kalih tahun kapengker minangka kangge nyekapi panyuwunan winih lele ingkang inggil. Kamangka pekenan winih lele ingkang dipun budidaya menika inggih namung kangge nyekapi panyuwunan saking laladan sakiwa tengenipun kemawon. Ananging kepara piyambakipun kuwalahan nyekapi panyuwunan winih ulam lele ingkang gunggungipunk athah. Ulam lele ingkang dipun budidaya meinka jinis sangkuriang ingkang nggadahi sawetawis kelangkungan. Winih ulam lele ingkang sampun siap dipun sade inggih menika ingkang umuripun ngancik setunggals etengah wulan utawi kanthi ukuran 5 dumugi 7 cm. Bab wigati ingkang dipun gatosaken sakdnagunipun nindaaken usaha menika mboten sanes kabetahan toya kedah dipun gantos watawis setunggal minggu sepisan utawi ningali kaowntenan. Kejawi meika babagan pakan ugi kedah dipun gatosaken. Lele umur 0 dinten dumugi 14 dinten dipun sukani pakan arupi cacing sutra. Sasampunipun 14 dinten lajeng dipun gantos pakan pelet ingkang alus. Ing papanipun menika wonten blumbang terpal ingkang cacahipun 170 blumbang. Nanging ewa semanten bab menika taksih dereng nyekapi kabetahan lele ing laladan DIY. Usaha budidaya winih ulam lele kanthi ngginaken blumbang terpal menika saged dipun tindaken ing setunggaling papan ingkang ciut lan mboten mambet jalaran sampun katambahan bakteri. Cara menika saged dipun usahakaken dening warga masyarakat ing kitha ageng ingkang pekawisanipun ciut.
