TVRI YOGYAKARTA NEWS – PAULUS YESAYA JATI
Warga Gunungketur Pakualaman kitha Ngayogyakarta, tumut ing saklebetiung sinau babagan budidaya alpukat kanthi cara tabulampot. Krida menika kangge ngawekani winatesing lahan olah tetanen ing kitha Ngayogyakarta.
Dasanan warga Gunungketur Pakualaman kitha Ngayogyakarta, sinau nanem alpukat jinins kendil kanthi cara tabulampot. Jinis kasebat dipun pilih amargi tahan saking ama lan sesakit wiwit saking ama uler, lalat buah, lan mawohipun mboten gumantung kaliyan mangsa. Dipun pilihipun budidaya alpukat ing kanthi cara tabulampot menika, kangge ngawekani winatesing lahan ing kitha ngayogyakarta ingkang saegt dipun tindakaken kangge olah tetanen. Kanthi cara tabulampot menika, budidaya alpukat saget katindakaken ing pekarangan griya menapa ing teras griya. Ing kalodhangan menika warga dipun gladi caranipun ngrimat taneman alpukat wiwit saking nanen, ngrabuk engga pruning utawi ngethok pang lan ron alpukat saben 2 wulan sepindah. Supados program tabulampot menika saget lumampah kanthi sae, samangkenipun tim penyuluh bade paring pangampingan ing saklebeting sawetawis wulan, saengga kajawi asil panen saget maremaken, laladan Gunungketur samangkenipun ugi kawentar minangka punjering budidaya alpukat kendil ing kitha Ngayogyakarta.
Saget kawuningan bilih alpukat jinins kendil mekaten kawentar minangka jinis alpukat ingkang asil wohipun sae. Setunggal woh alpukat kendhil bobotipun saget ngancik 1 kilogram lan dagingiupun kandel.
