TVRI YOGYAKARTA NEWS – WIDIYANTA – HARIF YUDA
Nanem kencur gadhah kalodhangan peken ingkang tasih tinarbuka, sarta saged kangge njagi kasarasaning kulawarga.
Taneman kencur mujudaken salah setunggaling jinis taneman obat, ingkang kathah dipun mupangataken kangge bumbu mangsakan menapadene jampi tradisionil mliginipun beras kencur. Nguningani kathahing mupangat saking kencur menika nanem kencur tasih gadhah kalodhangan peken ingkang tinarbuka. Pengaosing kencur saking tataran kadang tani sak menika ngancik kalih likur ewu saben sekilonipun. Kalodhangan peken ingkang tasih tinarbuka kala wau ingkang dipun mupangatken dening tugimin saweneh kadang tni saking, Tirtorahayu galur Kulonprogo kangge nanem kencur ing lahan pekawisananipun. Taneman kencur ingkang dipun tanem dening marwati menika umuripun sampun kalih wulanan. Kanthi pengrimatan ingkang estu taneman menika saged tuwuh kanthi subur ing polibag menapadene pot aluminium panjang. Cara nanem kencur menika ugi kalebet gampil, siti dipun damel guludan inggilipun udakawis selangkung sentimeter lan dipun campur mawi rabuk organik ingkang sampun dipun olah. Winih kencur ingkang dipun pendhet saking rimpang ingkang sampun tuwa, saklajengipun dipun tanem kanthi jarak tanem selangkung sentimeter antawisipun wit setunggal lan setunggalipun. Pangrimatan taneman cekap dipun siram kaping sepoisan saben dintenipun menawi ing manga ketiga, sawetawis menawi manga rendheng mboten kedah dipun siram. Supados tuwuhipun saged subur marwati ugi greteh anggenipun ngicali gulma ing lahan.Sawetawis ama ingkang ngrebasa arupi uler ingkang nedha ronipun, cara ngendhaleni ama menika namung manual ingih menika dipun pithesi setunggal mbaka setunggal. Taneman kencur saged dipun panen sasampunipun pitu engga wolung wulananan.
