TVRI YOGYAKARTA NEWS – WIDI – YUDHA
Kutut sampun katetepaken dados peksi agul aguling Daerah Istimewa Ngayogyakarta. Lan budidaya peksi kutut kajawi gadhah kalodahanan peken ingkang sae ugi mupangati tumrap kridha njagi lestantuning peksi.
Saweneh tiyang ingkang nindaaken usaha budidaya peksi kutut inggih menika bisri, warga Jatisarono Kulonprogo. Purwakanipun ugi namung remen kemaown nanging danguning dangu, bisri gadhah atusan kutut ingkag mligi kangge pasangiri. Piyambakipun mbudidaya peksi kutut sampun wiwit saking umur timur. Wekdal samenika bisri gadhah dasanan babonan kutut ingkang sedayanipun meh sasap ing pasanggiri ing tataran DIY menapadene nasional. Bisri ngandaraken, ngingah peksi kutut wiwit piyik, bakalan dumugi dados peksi ingkang sae nalika manggung mbetahaken raos sareh lan tlalos. Meniko ingkang mboten sedaya tiyang sagah nglampahi. Sekedhikipun mbetahaken wedal gangsal dumugi sedasa taun kangge ndadosaken kutut saget sasap ing pasanggiri. Lan ingkang ngupokoro inggih kedah greteh lan nastiti linambaran raos tresna.
Saben peksi mekaten sejatosipun gadhah watak lan sipat piyambak-piyambak, gayut kaliyan pakulintenanipun nedha, pakulintenan gesang dumugi pakulintenan manggung. Tumrapipun agus ngingah peksi kutut mekaten mujudaken sumbering pamedal ngiras pantes dados srana lelipuran lan klangenan. Kutut mboten namung peksi ingkang kebak bobot filosofi, ananging sampun dados setunggaling komoditas ekonomi ingkang awis sanget. Piyik kutut turunan juwara saged pajeng yutan rupiah. Menawi kutut wau sampun diwasa lan kasil sasap dados juwara nasional, reginipun ugi saged ngancik atusan yuta.
