TVRI YOGYAKARTA NEWS – ADI NUGROHO
Kathah ingkang nyepeleaken portulaca utawi krokot hias. Sinten ingkang nyana, kanyata menawi dipun tanem kantu gunggung kathah, portulaca menika saged ngasilekn sesawangan ingkang edi peni. Saya malih menawi dipun tanem ing papan ingkang benter, werninipun lagklung endah.
Kados mekanten menika wujudipun portulaka utawi krokot hias gadahanipun rubiyem warga trisik. Ketingal endagh lan damel sengsem. Krokot mawar utawi rose moss mujudaken tanemann hias ingkang mlebet ing familia portulaceace ingkang asalipun saking negari Amerika Selatan.Taneman menika ugi asring dipun sebat kembang pukul sembilan jalaran umumipun nalika mekar tabuh sanga enjing. Kathah sutersna ingkang sami madosi taneman ingkang gadhah sekar manekawerni menika. Kathahing panyuwunan menika, dados setunggaling kalodhangan ingkang sae ing pekenan taneman hias lokal. Sampun sawetawis wedal rubiyem nanem krokot menika, purwakanipunugi namung setunggal jinis nanging danguning dangu dados jangkep. saged kawuningan. Krokot ingkang dipun budidaya ing pekawisan menapadne ing sak pinggiring mergi menika wonten ingkang lokal menapadene import. Cara mbabar taneman menika ugi namung gampil, ingih menika lumantar stek ingkang lajeng dipun tanem ing media tanem campuran saking siti sarta rabuk organik. Panyiramaning taneman menawi ing mangsa ketiga katindaken saben kalih dinten sepisan, sawetawis ing mansga rendheng kados wekdal sakmenika mboten kedah dipun sirami, kejawi menawi dipun papan aken ing papan ingkang keyupan nanging sekaripuin badhe ketingal pucet. Kosok wangsulipun menawi dipun papanaken ing papan ingkang benter mila sekaripun ugi langkung endah. Saking winih stekan menika padatanipun sampun wiwit nyekar sasampunipun kalih wulanan lan, taneman menika saged kiyat engga wolung wulanan. Sasampunipun taneman sampun mboten nyekar malih, kedah dipun ambali nanem malih. Taneman menika ugi gadhah bobot ekonomi inggil, saben setunggal pot reginipun sedasa ewu dumugi gansgal atus ewu gumantung kaliyan varietasipun.
