TVRI YOGYAKARTA NEWS – SETYO BUDI
Kadang tani sarta kelompok tani kakao ing kapanewon patuk, Gunung Kidul, nekaraken taneman kakao organik supados ngasilaken coklat ingkang gadhah bobot inggil. Budidaya kakao organik dipun pitados asilipun langkung saras saengga kathah dipun padosi produsen olahan soklat.
Dusun gumawang ing kalurahan putat, patuk, dados salah setunggaling laladan ingkang dados punjering taneman kakao ing Gunung Kidul. Ing saklebeting nindaken budidaya taneman kakao menika ngrabuk mujudaken perangan ingkang wigati, lan badhe nemtokaken asilipun. Supados asilipun sae, sawetaiws kadang tani menapadene kelompok tani ing laladan menika sampun wiwit nindaken usaha budidaya kakao organik. Bab menika katindaken kangge nikelaken bobot kasaenqanipun woh kakao garing. Edi Suparjono saeeneh kadang tani ngandaraken bilih rabuk ingkang dipun mupangataken kangeg ngrabuk taneman kakao arupi bucalan me lembu ingkang saderengipun dipun permentasi lan dipun tambah tricoderma. Sinaosa namung dipun rabuk mawi rabuk organik taneman kakao kanyata ugi langkung subur, lan sampun mawoh sekawan tahun saking tanem. Kaluwihan sanes,ipun asiling soklat bubuk badhe langkung awet. Saking raosipun, kakao organik langkung eca lan gadhah aroma mirunggan, saengga kathah dipun padosi industri soklat, saking Ngayogyakarta, Makasar, Bandung lan kitha ageng sanesipun.
Nalika ngrabuk mawi rabuk organik menika pancen kapetang radi njlimet, jalaran rabuk kedah dipun permentasi langkung rumiyin dangunipun udakawis setunggal wulanan.
