TVRI YOGYAKARTA NEWS – HENDRY SAPUTRA
Menggahing kadang tani, taneman janganan pare mujuduaken setunggaling taneman janganan ingkang murakabi amargi pengaosipun ajeg, menawa anjlog kadang tani taksih pikantuk bebathen.
Menawi kapandingaken kaliyan taneman janganan saneispun, pare meujudaken setunggaling jinis komoditi olah tetanen ingkang panyuwunanipun ajeg, mekaten ugi bab pengaosipun. kawontenan menika ingkang dipun raosaken piyambak dening darisman saweneh kadang tani ingkang wonten ing laladan pesisir bantul. taneman pare gadahanipun menika sampun dipun panen kaping sekawan lan asilipun kepatang maremaken, sanadyan piyambakipun kedah ngadhepi ngrebasanipun ama uler lan lalat buah.
Taneman pare kapetang gampil lan kiyat ngajengi ewah-ewahaning mangsa. Anggenipun ngrabuk saged katindaaken seminggu kaping pisan utawi sakbibaripun panen. Kawuningana bilih pare menika saged dipun panen makaping-kaping gumantung kaliyan pangrimatanipun. Bab sanesipun ingkang kedah dipun gatosaken inggih babagan pangrimatan wohipun, gayut kaliyan sipatipun ingkang mrambat, piyambakipun lajeng ndamel rambatan migunaaken deling ingkang dipun damel piyambak, ampun kesiupen ing perangan inggilipun dipun pasang paranet. sulur ingkang wonten ing taneman menika saged mlungker ing woh pare ingkang wusananipun saged munthes pare ing umur alit sarta saged damel tuwuhipun woh mboten sae.
