TVRI YOGYAKARTA NEWS – HENDRY SAPUTRA
Taneman landhep kejawi nggadahi wujud sekar ingkang endah, ugi nggadahi mupangat kangge kasarasan. Mila mboten maiben bilih taneman menika kathah dipun budidaya wonten ing lahan toga.
Kados mekaten menika taneman landhep. Taneman menika nggadahi sekar abrit ingkang nengsemaken, mila mboten wonten kelntunipun ugi bilih taneman menika ugi saged dipun anggep minangka taneman pasren ingkang nggadahi mupangat kangge kasarasan. Taneman landhep menika gampil sanget dipun budidaya, mboten mbetahaken pangrimatan ingkang njlimet. Kepara dipun jar-aken mekaten kemawon saged tuwuh kanthi subur, menapa malih dipun sukani rabuk temtu saged tuwuh kanthi sae. Pak Tris saweneh warga kiringan canden Jetis Bantul ngandaraken bilih taneman menika nggadahi mupangat kangge ngusadani sesakit padaran.
Awit saking mupangatipun taneman menika, piyambakipun kepara asring nampi panyuwunan taneman landhep saking warga masyarakat, mboten namung skaing laladan DIY kemawon ananging dumugi sakjawining pula jawi. Perangan taneman ingkang dipun mupangataken ingih menika perangan ron ingkang sampun dewasa, inggih menika ron ingkang kaping gangsal saking sekaripun. Kejawi mbudidaya taneman landhep, ing papan menika piyambakiun ugi mbudidaya manekawerni taneman obat saneispun ingkang dipun dadosaken bahan kangge jampi ngusadani manekawerni seskait.
