TVRI YOGYAKARTA NEWS – ADI NUGROHO – WENDY
Minangka laladan inkang ngasilaken brambet, kadang tani pesisir bantul asring nemahi pepalang awisipun regi winih brambet. Nanging rahayunipun sampun wonten kadang tani ingkang ndeder piyambak.
Ing wekdal sakmenika kathah kadang tani ingkang nindaaken budidaya taneman brambet sae menika brambet lokal menapadene brambet varietas unggulan sanesipun. Salah setunggaling laladan ingkang kawentar minangka punjering taneman brambet bima inngih menika ing laladan sri gading pesisir bantul. Kados ingkang dipun tindaaken dening supandi, saweneh kadang tani ing laladan pesisir bantul. Taneman brambet varietas merdeka ingkang dipun tanem menika kanyata winihipun dipun damel piyambak winihipun saking ndeder wiji. Menawi dipun tingali taneman brambet ingkang dipun budidaya menika kawontenanipun ronipun ugi subur. Saged kawuningan, taneman brambet merdeka menika pancen cocok sanget dipun budidaya wonten ing laladan ingkang hawanipun benter. Mila mboten maiben bilih mlebet ing mangsa ketiga klathah kadang tani ing laladan menika ingkang sami nindaaken budidaya taneman brambet unggilan varietas merdeka rahayunipun kawontenan cuaca ing papan menika sampun mboten kathah jawah malih mboten kados sawetawis wekdal kapengker ingkang saged ndayani taneman brambet pejah. kanggenyekapi kabetahan toya, supandi ajeg nyirami taneman brambet saben dintenipun migunaaken irigasi otomomatis saking sumur boor ingkang ngginaaken tenaga listrik ingkang langkung mirah kapandingaken kaliyan bensin. Anggenipun nyirami taneman brambet menika ugi katindaaken sesarengan kaliyan taneman sanesipun ingkang dipuntanem wonten ing sakiwa tengening lahan brambet menika. Piyambakipun ngajab semangke asilipun sae lan reginipun inggil. Dumugi wedal sakmenika, ama sesakit ingkang ngrebasa ugi tasih winates, salah setunggalipun inggih menika kawontenan winih ingkang tuwuhipoun muser jalaran winih ingkang kirang sae.
