TVRI YOGYAKARTA NEWS – HENDRY – ABDUL ROHIM
Kerajinan mujudaken salah setunggaling usaha ingkang dados piyandelipun warga ingkang nggegulang ing donyaning UMKM. Salah setunggalipun inggih menika usaha kerajinan saking bahan alami enceng gondok.
Kathah sumber daya alam ing sakiwa tengen kula lan panjenengan menawi dipun olah kanyata saged dipund adosaken minangka kangge cagaking gesang. Menapa malih bahan alami meika wau ing wekdal sakmenika nembe kathah dipun padosi dening ngaktahah amargi mboten nuwuhaken pencemaran lingkungan. Salah setunggalipun inggih menika taneman enceng gondok menika. Kados ingkang kauwningan bilih bahan baken ingkang dipun ginaaken menika mujuaken taneman ingkang tuwuh ngambang toya ingkang kadangkala ugi dipun jaraken kemawon, mboten dipun kemonah. Kamangka menawi dipun olah kanthi sae, bahan baken menika saged dipun damel manekawerni jinis kerajinan ingkang nggadahi bonot ekonomi inggil. Menawi dipun kemonah kanthi gumathok, kanyata enceng gondok saged dipun damel manekawerni cakrik nam-naman kadosta meja, kursi, kranjang wadhah rasukan, tas, topi lan maneka kerajinan sanesipun.
Barang ingkang sewau mboten aji, menawi dipun rakit kanyata ajinipun inggil. Ananging gandeng sampun mlebet wonten ing mangsa rendheng temtu dados setunggaling pepalang menggahing kadang perajin enceng gondok. Jawah mekaten wau ingkang ndamel kerajinan menika langkung dangu anggenipun garing. Perkawis jamur ingkang nerak kerajinan menika sampun mboten dados pepalang amargi sampun saged dipun awekani. Bahan baken arupi enceng gondog menika dipun datengakne saking laladan Jawa Tengah.
