TVRI YOGYAKARTA NEWS – HENDRY – ABDUL R
Jambu klutuk abrit mujudaken setunggaling jinis woh ingkang kathah panyuwunanipun, ananghing kemawon kadang tani kedah setiti ngawekani wontenipun ama lalat buah.
Usaha budidaya jambu klutuk abrit gadhah pangajeng-ajeng ingkang sae, jumbuh kaliyan panyuwunan peken ingkang inggil. Jambu klutuk abrit dipun pitados gadhah mupangat ingkang ageng tumprap kasarasaning badan jalaran ngandhut vitamin c ingkang inggil, sarta anti oksidan. Nguningani panyuwuanan ingkang saya inggil wau, saweneh kadang tani, wiwit kalih tahun kapengker nanem jambu klutuk abrit. Asilipun kanyata ugi maremaaken sanget, jambu tanemanipun sampun wiwit mawoh. Taneman jambu menika sipatipun nylandri, mboten gumantung kaliyan mangsa, supados cepet mawoh kedah pikantuk pangrimatan ingkang mirunggan kadosta ngrempel ron ingkang mawoh, lan ngethok pucuking cawang supados tuwuh cawang enggal. Supados tanemanipun tuwuh kanthi sae kedah dipun rabuk kaping kalih setahun mawi rabuk organik lan an organik mliginipun perangsang buah. Emanipun kadang tani kedah setiti anggenipun ngawekani ama kadosta lalat buah. Setunggaling cara kangge ngendahelni lalat buah inggih namung dipun brongsong, mawi plastik nalika woh tasih alit. Panyadening jambu klutuk abrit menika sampun dipun pendhet dening bakul woh.
