TVRI YOGYAKARTA NEWS – WIDI
Para pamirsa, kangge nepangaken ngiras pantes nikelaken bobot ekonomi, pelaku umkm kuliner ing sleman anyartani gladen ndamel manekawerni kuliner Indonesia .
Kuliner mujudaken salah setunggaling asil budaya ingkang gadhah sesambetan ingkang kiyat kaliyan masyarakat, jalaran kajawi minagka kangge nyekapi kabatahan pokok, kuliner ugi gadhah bobot sujarah. Kuliner ugi mujudaken salah setunggaling daya kreatifitas masyarakat ing saklebeting ngolah pangan sarta nambah nilai budaya sanesipun, awit saking menika kedah dipun jagi lan dipun lestantunaken. Daharan Indonesia mujudaken salah setunggaling kuliner ingkang kebak ing cita raos ingkang beda, ingkang nedahaken manekawerni budaya lan tradisi ingkang asalipun saking sakindenging nuswantara . Kuliner gadhah kal;enggahan ingkang methok minagka warisan leluhur .., Saben saben laladan ing indoensia gadhah kuliner kanti ciri mirungganipun, ingkang ugi sampun kathah dipun mngertosi dening ngakathah ewasementen ugi tasih kathah ingkang dereng dipun mangertosi lan nyimpen kanikmatan saking cita raosipun . Kangge nikelaken bobot kasaenaning produk umkm mliginipun ing babagan kuliner, pelaku usaha umkm tembayatan kaliyan aliansi kuliner Indonesia Yogyakarta ngadani gladen ndamel manekawerni daharan khas utawi mirunggan indoensia . Rawuh ing acara menika kepal;a dinas kop[erasi ukm sleman tina hastini, pangarsa umkm bersinergi endang setia rahayu, ketua aliansi kuliner Yogyakarta imaculata dyah. Kepala dinas koperasi dan Ukm Sleman Tina Hastini mratelaken kanth wontenipun gladen ndamel mansgakan indoensia menika kaajab para pelalku ukm mliginipun kuliner saged gadhah daya rebat ingkang kiyat, ing saktengahing saya ngrebasaning kuliner saking manca .
