TVRI YOGYAKARTA NEWS – WIDI – HARIF YUDA
Wontenipun sumber toya ing tengahing lahan tetanen gadhahanipun kadang tani, gadhah kalenggahan ingkang methok kangge nyekapi kabetahan toya irigasi.
Kados maketn meniak kawontenanipun mur bathang ingkang dumunung ing Padusunan Nggiglak, Girimulyo, Girimulyo Kulonprogo. Sumber toya menika dipun kebaki tuwuhan arupi enceng gondok prasaat toyanipun ugi mboten ketingal. Ing sakpinggiraning sumber toya menika ugi sampun dipun kebaki grumbul, saengga ndamel sumber toya menika dados singup. Arji saweneh warga mratelaken bilih duk rikala semanten sumber toya saking mur bathang meniak dipun mupangataken dening warga masyarakat saking Padusunan Ngroto lan nggiglak kangge nyekapi kabetahan toya resik. Ananging jalaran sakmenika warga ing nggiglak sampun ngginaken sumur saking pdam, saklajengipun mur bathang mboten dipun upakara lan mupangaatken malih, kangge nyekapi kabetahan toya resik.
Tilas instalasi listrik menapadene papan kangge nyimpen mesin diesel ugi tasih wetah, mekaten ugio saluran pipa-pipanipun ugi tasih saged dipun mupangaatken. Nguningani bilih mur bathang menika mboten asat sinaosa ing mansga ketiga, ing tembe ngajengipun warga ugi gadhah pepinginan badhe nggesangaken mur batang, kangge nyekapi kabetahan toya irigasi ing lahan tetanenipun warga. Sinaosa samangkenipun mboten saged nyekapi kabetahan toya ing sedaya lahan tetanenipun kadang tani, sekedjhikipun saged ngenthengaken kadang tani ingkang lahanipun wonten ing sak celaking mur bathang. Supados samangkenipun tuk mur bathahng menika ugi tetep lestantun warga ugi sampun kupiya nanem wit ringin ing sak kiwatenegning sumber toya mur bathang. Kawuningana bilih sinaosa ing laladan menika sampun mandhap jawah ewasemanten kadang tani dereng saged ngolah lahan tetanenipun, jalaran kabetahan toya derang nyekapi.
