TVRI YOGYAKARTA NEWS – JATMIKO HADI
Ing tanggal setunggal suro kala wingi, atusan warga saking sadengeh laladan sami ngendangi sendang kawidodaren kulonprogo. Para warga sami antri supados pikantuk toya sendang ingkang dipun pitados gadahi sawetawis mupangat.
Sendang kawidoaren menika mapan ing puncak suroloyo ing dusun keceme Kalurahan Gerbosari Kapanewon Samigaluh Kulonprogo. Sendang ingkang mapan ing sak ngandapipun wit ageng menika, gadahi toya ingkang bening. Ing dinten setunggal suro kala wingi, katah saking warganing masyarakat ingkang mendet toya sendang kawidoaren menika. Kepara katah saking warga masyarakat ingkang sampun atri wiwit enjing, supados pikantuk toya sendang ingkang sakderengipun dipun ginakaken kangge nindakaken jamasan pusaka menika. kajawi mundhut toya sendang kawidodaren, mboten sekedik warga ingkang mbasuh badanipun mawi toya sendang. Sawetawis warga pitados, bilih toya sendang kawidodaren menika gadahi mupangat tumrap kasarasan badan, wiwit saking ngobati sesakit, engga ndamel awet nem.
Tradisi ing sendang kawidodaren menika sampun lumampah dasanan tahun kapengker, utaminipun saben tanggal setunggal suro, lan dados salah setunggaling khasanah budaya ingkang wonten ing laladan pareden menoreh Kulonprogo.
