TVRI YOGYAKARTA NEWS – WIDARYANTO
Kangge ningkataken malih kaprigelanipun para lare ing saklebeting beksa, sanggar tari werdha kencana saking Prambanan Sleman, ngadani uji kompetensi lan kenaikan tingkat dumateng para siswa sanggar . Krida menika ugi minangka mahargya warsa enggal Hijriyah 1 Muharram 1446 hijriyah .
Krida uji kompetensi lan ugi kenaikan tingkat menika dipun adani ing pendapa jati roso, tanggal 6 juli 2024 kala wingi. Kajawi para siswa lan tiyang sepuhipun, krida menika ugi dipun rawuhi dining kunda kabudayan Daerah Istimewa Yogyakarta. Ing sak lebeting uji kompetensi menika dipun sartani dining 20 pasarta, saking 9 kelas alit lan 11 kelas ageng, lan sedayanipun kasil lulus kanthi sae. Bab menika dipun pertandani kanthi masrahaken sertifikat dumateng para siswa. Kunda kabudayan DIY lumantar Dwi Eko Purnomo ngajab, kanthi wontenipun uji kompetensi menika, sanggar tari werdha kencana saget ngrembaka, lan ing tahunh – tahun candakipun saget ngadaani uji kompetyensi beksa menika kanthi ajeg. Kangge njurung ngrembakanipun sanggar, samangkenipun sanggar mneika bade pikantuk dana aspirasi, kangge nglestantunaken budaya lan beya operasional gladen.
Sawetawis menika nova kurniawan minagka dukuh potrobayan ngandarakjen, bilih sak dangunipun menika beya kangge operasional sanggar mujudaken asil saking swadaya masayarakat, saengga piyambakipun ngajab pamerintah kalurahan madureja saget paring pambiyantu dana, saengga sanggar tari werdha kencana menika tansah lestantun. Menawi putra putri panjenengan badhe tumut gladen beksan saget ngendangi sanggar beksan werdha kencana ingkang mapan ing Dusun Sonobayan Madurejo Prambanan Sleman.
